HAKAN ÇALHANOGLU
Turku Çalhanoglu në Milan
1 July, 2017 @22:27
Rossonerët janë pranë goditjes së radhës në tregun veror të transferimeve. Sky Sport Italia ka bërë të ditur pak më parë se Milan ka arritur marrëveshje me Bayer Leverkusenin për blerjen e mesfushorit turk, Hakan Çalhanoglu.
Futbollisti 23 vjeçar që dallohet me shutin e tij preciz nga largësitë e mëdha, pritet të arrijë nesër në Milano për të kryer testet mjekësore dhe për tu bërë anëtar i ri i skuadrës që po mëton rikthimin e lavdisë së dikurshme pas disa stinorëve që i kaloi në krizë financiare.
2.5 milionë euro thuhet të jetë rroga e tij vjetore, ndërsa kontrata me te do të jetë 4 vjeçare.
