OBILIQ
Vaki kosovare: KEK-ut tentohet t’i vidhet porta!!!
14 March, 2020 @18:31
Në Kosovë hajnat si ndalë as coronavirusi. Skuadra e Ligës së Parë të Kosovës, KEK-u, para pak çastesh ka bërë të ditur se persona të paidentifikuar kanë tentuar ta vidhnin portën e skuadrës nga stadiumi Agron Rama në Obiliq.
“Sot rreth orës 16-17 në Agron Rama është tentuar të vidhet kjo portë që shërben për stërvitje si dhe janë dëmtuar mbajtëset e shtyllave të ndeshjeve. Klubi i KEK-ut dënon ashpër këtë dhe rastin e ka paraqitur në Policinë e Obiliqit,” ka bërë të ditur njoftimi i skuadrës para pak çastesh.
Përndryshe, ky stadium i KEK-ut shpesh ka qenë nikoqir i stërvitjeve të reprezentacionit të Kosovës.