Të gjitha lajmet

DRENICA 2-4 TREPÇA'89

Zëvendësimet ideale të Idrizit, Trepça’89 vazhdon shpresën

Zëvendësimet ideale të Idrizit, Trepça’89 vazhdon shpresën

28 June, 2020 @18:29

Goleadë e vërtetë në Bajram Aliu të Skenderajt, derisa Drenica në dyluftim direkt me Trepçën’89 është mposhtur 2-4 në fund, pas një pjese të dytë më angazhuese të ekipit mitrovicas.

Përndryshe, kjo ka qenë fitorja e parë e djelmoshave të Shpëtim Idrizit në ciklin e tretë të Superligës, që vazhdoi në periudhën post-pandemike, ndërsa e para në Superligë që prej 21 shkurtit.

Golat e zëvendësuesve, Leart Emini dhe Berat Ahmeti, në pjesë të dytë kryen punën për fitoren 2-4 [Alban Shillova 16, Richard Asare 20ag - Milot Avdyli 7, Engjëll Hoti 28, Leart Emini 58, Berat Ahmeti 88].

Pjesa e parë ishte interesante dhe me gola, derisa ‘89-shi që prej fillimit tregoi se është e interesuar për fitore. I riu Milot Avdyli (7’) [0-1] u dha epërsinë mitrovicasve, por vendasit u rikthyen shpejtë me golat e Alban Shillovës (16’) [1-1] dhe autogolit të Richard Asares, që devijoi topin e Hasan Hysenit për (28’) [2-1].

E me një kombinim të mirë në mesfushë duke u liruar Engjëll Hoti goditi bukur nga 25 metra për të barazuar rezultatin (28’) [2-2] që doli të jetë edhe përfundimtarja për 45 minutat e para të ndeshjes.

TABELA AKTUALE

E në pjesë të dytë dy veprimet taktike me zëvendësime të Shpëtim Idrizit u treguan triumfuese për ekipin e tij. Ai inkuadroi në lojë dyshen me përvojë të sulmit Leart Emini dhe Berat Ahmeti dhe që të dy, në mundësitë më të mira duke i ikur mbrojtjes vendase nga pozita thuajse e njëjtë shënuan për [3-2] (58’) dhe [4-2] (88’).

Krejt kjo erdhi pasi që vendasit dështuan të shënojnë te rezultati 2-2, kur Alban Shillova penalltinë që e fitoi vetë, e gjuajti jashtë portës kundërshtare, duke mos qëlluar kornizën e golit.

Në fund, mitrovicasit i afrohen pjesës shpëtuese në kampionat në vetëm 4 pikë, duke vazhduar kështu luftën për mbijetesë deri në fund. E Drenica e Gani Sejdiut do të duhet të konsolidohet në momentet tjera vendimtare në përballjet tjera, pasi që rreziku nga rënia mbetet.

MEDIA

Munishi: Po të bëhem selektor i Kosovës, e kualifikoj Kosovën

15 January, 2021 @23:38

Trajneri kosovar Ismet Munishi, që u nda me Ballkanin këtë muaj, ka dhënë një intervistë në emisionin Dhoma e Rrëfimit…

FAZA PËRGATITORE

Arbëria zhvillon stërvitjen e parë në Antalya

Foto: KF Arbëria

15 January, 2021 @17:36

Skuadra e Arbërisë sot ka realizuar stërvitjen e parë në Antalya të Turqisë, ku po qëndron në kuadër të fazës…

TRANSFER

Libanezi Amir Hossari nënshkruan me Llapin

15 January, 2021 @16:25

Skuadra e Llapit sot ka nënshkruar me futbollistin e ri të saj, Amir Hossari. Hossari, 27 vjeçar, luan në pozitën…

LLAPI

Llapi largon njërin prej portierëve të huaj

14 January, 2021 @22:17

Skuadra e Llapit ka shkëputur marrëveshjen e bashkëpunimit me njërin prej portierëve të saj. Steven Hoffman nuk do të jetë…

PAS SUSPENDIMIT

FFK e suspendon për 1 vjet, Remzi Ejupi reagon

14 January, 2021 @16:19

Kryetari i FC Prishtina, Remzi Ejupi, ka reaguar në rrjete sociale pas dënimit që FFK ia shqiptoi mbrëmë vonë. …

Të gjitha lajmet nga FFK Superliga