LËVIZJE TE SPANJA
Zëvendësohet Luis Enrique
19 June, 2019 @16:20
Federata e Futbollit të Spanjës ka bërë të ditur se Robert Moreno do të kryejë detyrën e selektorit të përkohshëm të reprezentacionit, pasi që Luis Enrique ka kërkuar të zëvendësohet nga posti i tij për arsye personale.
Luis Enrique ka disa probleme familjare dhe nuk ka mundur të jetë prezent në ndeshjet e fundit të Spanjës dhe kështu ka vendosur të largohet. Moreno, që ka qenë asistent i tij do të merr detyrën përkohësisht, ndërsa mediat spanjolle kanë bërë të ditur se Abelardo Fernandez mund të bëhet selektor, nëse Enrique nuk do të mund të kthehet deri në ndeshjet e radhës.
ORARI dhe TABELAT DREJT EURO2020
Kujtojmë, Spanja ka bërë start perfekt në kualifikime për EURO 2020 duke fituar të katër ndeshjet e zhvilluara dhe me pikë maksimale udhëheq Grupin F kualifikues.
Njashtu, spanjollët janë ndër të rrallët që kanë shënuar ngritje në renditjen e TOP10-shes në FIFA.
