364 ditë pa humbje, Liverpool i pandalshëm

Tashmë kanë kaluar një vjet prej se Liverpool nuk ka pësuar humbje në Premier Ligë.

Saktësisht 364 ditë, që do të shtohen në ditët në vijim. Edhe një ndeshje pa gol të pranuar, derisa portieri brazilian Alisson festonte Samba d’Orin e fituar, e në anën tjetër Mohamed Salah që në minutën e katërt të ndeshjes i dha avantazhin kampionëve të botës 1-0.

E në pjesë të dytë Sadio Mane vulosi dilemat e përfundimtares, kur në minutën e 64-të shënoi për 2-0.

TABELA AKTUALE

Aktualisht, Liverpool është 13 pikë larg pozitës së dytë që aktualisht mbahet nga Leicester City. Ekipi këtë stinor nuk ka përjetuar humbje dhe ka 19 fitore krahas 1 barazimi dhe të mos harrojmë edhe një ndeshje mangu.

Titulli i parë i kampionit në Premier Ligë për Liverpoolin tashmë është plotësisht në dorë të djelmoshave të Jurgen Klopp dhe këtë mund t’ua mohojë vetëm një pafatësi tepër-tepër e madhe.