Besa në dimër të qetë, me aromë Superlige

Besa e Pejës ka arritur të shëojë fitore tepër të rëndësishme sot, pasi që mposhti Vllazninë si mysafire 1-2.

Me këtë fitore dhe me tre pikët e reja në konto, pejanët kryejnë pjesën e parë të stinorit në Ligë të Parë si kampionë vjeshtor, ndërsa në anën tjetër, ekipet tjera pretendente s’fituan dhe kështu të kuqtë e Pejës përfunduan si liderë pjesën e parë të stinorit.

Besa kishte marrë avantazhin në pjesë të parë, ndërsa në fillim të pjesës së dytë Vllaznia barazoi me Toni Salihun (50’).

TABELA AKTUALE E LIGËS SË PARË

Sidoqoftë, kah fundi i ndeshjes, një aksion i ndërtuar mirë, gjeti Norik Krasniqin në zonë që goditi gjatë vrapit me top për fitoren e madhe 1-2 (85’).

Kështu Besa e drejtuar nga Miftar Rama ka arritur që të dalë në krye të tabelës dhe me fitoren e nëntë të arritur në vjeshtë, me 28 pikë, një më shumë sesa ndjekësi i parë ka kryer pjesën e parë të stinorit - si kampion vjeshtor i Ligës së Parë - dhe tashmë mund të ëndërrojë për rikthimin në Superligë.