DUKAGJINI - TIRANA
Dukagjini arrin fitore edhe në testin e vështirë
24 July, 2019 @20:21
Skuadra e re e Superligës, Dukagjini, tashmë mund të thuhet se nuk ka të ndalur.
Ekipi që po drejtohet nga Xhengis Rexhepi ka shënuar fitore edhe në përballjen më të vështirë miqësore deri tash, duke e kaluar me 1-0 Tiranën.
Golin e vetëm dhe të fitores për ekipin e Klinës e shënoi Ilir Mustafa, që vendosi fatin e takimit.
Dukagjini më parë kishte fituar edhe dy miqësore tjera, para se të takohej me bardhekaltërit nga kryeqyteti i Shqipërisë.