Të gjitha lajmet

LIVERPOOL - ARSENAL

Erë kampioni në Anfield

Fotot: premierleague.com

Erë kampioni në Anfield

29 December, 2018 @21:30

Tetë fitore me radhë në Premier Ligë dhe 10 fitore në 11 ndeshjet e fundit, bëjnë Liverpoolin t’i afrohet ëndrrës së kahmotshme.

Edhe pse posa nisi pjesa e dytë e Premier Ligës, Liverpool me lojën që po tregon tashmë duket vështirë i ndalshëm në rrugë drejt titullit kampion.

Posaçërisht pas humbjes së sotme të Tottenhamit dhe deklaratës së Mauricio Pochetinos: “Nuk jemi makina, mund të lodhemi edhe ne.”

Liverpool vs Arsenal

E Liverpool është e kundërta e kësaj, ekipi nuk po lodhet. Kur s’shënojnë Mohamed Salah ose Xherdan Shaqiri nga loja, në skenë del Roberto Firmino, që sot me hat-trick së pari përmbysi, pastaj edhe siguroi fitoren e të kuqve ndaj Arsenalit në Anfield Roadin që festoi në fund gjithçka.

Jurgen Klopp ishte gati të qajë. Ai e pranoi se kur Salah në rezultatin 4-1 lejoi që penalltinë ta shutojë Firmino për të kompletuar hat-trickun, ishte e prekshme për të.

TABELA AKTUALE

Shpirti ekipor, miqësia mes lojtarëve dhe rezultatet mbi gjithçka - dëshmojnë një gjë: Liverpool, ndoshta pengesën kryesore në rrugë drejt titullit e ka në duelin e radhës, pas Vitit të Ri, më 3 janar ndaj Manchester Cityt në Etihad.

Liverpool aktualisht ka 9 pikë më shumë sesa ndjekësi i parë, Tottenham.

Liverpool ende nuk ka pësuar humbje këtë stinor: 20 xhiro = 17 fitore + 3 barazime.

Liverpool është ekipi i vetëm në Premier Ligë që ende nuk ka pranuar përgjatë 2018/19 gola dyshifror në portë. Ekipi ka pranuar vetëm tetë gola në 20 përballje të elitës, ndërsa ka shënuar 48.

Po qe se Klopp me futbollistët e tij e kalon edhe këtë pengesë, atëherë Liverpool do të bëj një hap madhor drejt titullit, të parë që prej sezonit 1989/90.

“Përgjigjja jonë pas golit të pranuar ka qenë e klasit botëror. Në pjesë të dytë e kontrolluam lojën sepse asgjë s’kishte përfunduar, përkundër rezultatit. Salah ia dha penalltinë Bobbyt dhe unë isha gati të qaj. Të gjithë e dimë se sa dëshirë ka Salah të shënojë gola. Por, ai për t’ia mundësuar hat-trickun shokut të skuadrës, ia dha mundësinë nga penalltia,” kanë qenë fjalët e Kloppit pas fitores.



MAN OF THE MATCH:

Roberto FIRMINO (Liverpool)

LETRA E MINISTRIT

Sporti në Itali të përgatitet për datën 4 maj

10 April, 2020 @21:53

Pas deklarimit të kryeministrit italian Giuseppe Conte sonte se masat e karantinës në Itali do të vazhdojnë deri më 3…

SIR KENNY DALGLISH

Legjenda e Liverpoolit, pozitiv në coronavirus

10 April, 2020 @21:34

Në Britani të Madhe, veçanërisht në Angli rastet e coronavirusit po rriten shpejtë në mënyrë eksponenciale, ndërsa së fundi është…

MITROVICË

Edhe ‘89-shi reagon ndaj FFK-së!

10 April, 2020 @21:19

Në një reagim të lëshuar me humë gabime drejtshkrimore, Trepça’89 ka bërë të ditur se është në përkrahje të plotë…

REAGON KF LLAPI

Llapi reagon ndaj ndihmës së FFK-së

10 April, 2020 @20:31

Skuadra e Llapit të Podujevës ka reaguar pas vendimit të FFK-së për ndarjen e ndihmës për pjesën më të madhe…

IN MEMORIAM

Një vit pa doajenin e referimit

10 April, 2020 @20:06

Në datën e sotme, një vit më parë, nga jeta u nda Shinasi Berisha, një prej referëve më me…

Të gjitha lajmet nga