Të gjitha lajmet

PRISHTINA 3-1 FERONIKELI

Fitorja e parë ndaj Feronikelit, për të mbajtur hapin me kreun

Fotot: prishtinafc.com

Fitorja e parë ndaj Feronikelit, për të mbajtur hapin me kreun

29 June, 2020 @22:30

Prishtina përgjatë këtij stinori ka pasur bilans negativ ndaj Feronikelit në Superligë. Dy takime, dy humbje për bardhekaltërit.

Mirëpo, në momentin kur atyre iu desht më së shumti fitorja, ata e arritën për të mbajtur hapin ndaj Dritës lidere, duke i mposhtur drenicakët 3-1 [Oto John 11, Gauthier Mankenda 45, Ahmed Januzi 57 - Albert Dabiqaj 12].

Oto John

Një pasim i mirë i Armend Thaqit në kundërsulm, ka gjetur në vrap Oto Johnin që ka shënuar golin hapës të ndeshjes, duke ia dhënë epërsinë Prishtinës 1-0 (11’).

Por që në sulmin tjetër, mysafirët barazuan për të sjellë gjithçka në vend - golin e neutralizimit e shënoi Albert Dabiqaj kur Jean Carioca da Silva i asistoi atij nga goditja e këndit që në minutën e radhës dhe ky shënoi me kokë (12’) 1-1.

Oto John

Pas kësaj vazhdoi loja e hapur, derisa tentimet e Besmik Bojkut (24’) dhe Mendurim Hotit (42’) ishin afër, e në anën tjetër vendasit e drejtuar nga Armend Dallku provuan me Ahmed Januzin (25’) dhe Oto Johnin (35’).

TABELA AKTUALE

E në minutën e fundit të pjesës së parë, pas një kombinimi të Johnit me Endrit Krasniqin, ky i fundit me lëvizje brilante iu shmang mbrojtësit, krijoi hapësirë dhe shutoi për të shënuar. Deniz Troshupa mbrojti goditjen e tij, e topin e dëbuar e futi në rrjetë Gauthier Mankenda (45’) 2-1, për t’i dhënë fund pjesës së parë me këtë rezultat.

Jean Carioca da Silva

Në pjesë të dytë rastet vazhduan dhe përsëri Prishtina shfrytëzoi sistemin e njëjtë sikurse në golin e parë. Asisti erdhi nga e djatha, derisa sulmuesi qëndronte në anën e majtë.

Me të pranuar topin Ahmed Januzi bëri lëvizjen mashtruese, iu shmang mbrojtësit mysafir dhe me të majtën në këndin e portierit goditi për të përcaktuar rezultatin përfundimtar të ndeshjes 3-1 (57’).

Prishtina vs Feronikeli

Raste kishin të dyja palët deri në fund, por Visar Bekaj në portë të Prishtinës si dhe Troshupa te ajo e Feronikelit të Afrim Tovërlanit - ishin në nivel të detyrës për të mos lënë më gola në ndeshje.

Me këtë fitore Prishtina ruan pozitën e dytë dhe distancën 4 pikëshe me liderin Drita. Në anën tjetër, Feronikeli mbetet pas katërshes kryesore tash për tetë pikë dhe thuajse pa gjasa reale për dalje në Evropë në stinorin 2020/21.

SKENDERAJ

Gani Sejdiu ndahet nga Drenica

30 June, 2020 @12:01

Trajneri i mirënjour mitrovicas që kishte bërë vite më parë Feronikelin kampion të Kosovës, Gani Sejdiu, ka ndarë rrugët me…

GJILANI 2-2 LLAPI

Llapi i prish punë Gjilanit, Progni shpëton ‘skifterat’

Fotot: KFLlapi & KFGjilani / fb

29 June, 2020 @19:28

Sulmuesi i ri i Llapit, Valmir Veliu, ka qenë protagonisti më i pa-pëlqyer për vendasit në Gjilan sot, derisa shënoi…

BALLKANI 3-1 VUSHTRRIA

Ballkani fiton për vend të tretë dhe Vushtrria bie nga Superliga

Fotot: FCBallkani/fb

29 June, 2020 @19:28

Dy skuadra me qëllime të ekstreme në Superligë, derisa Ballkani me golin e parë pas-pandemik të shënuesit më të mirë…

DRITA 2-0 DUKAGJINI

Liderja ngrit diferencën në krye

Foto: FCDrita/fb

28 June, 2020 @19:30

Skuadra e Dritës përsëri ka pasur telashe në pjesë të parë për të shënuar gol, por në pjesë të dytë…

FLAMURTARI 3-2 FERIZAJI

Fitore e Flamurtarit për ngritje në tabelë

Fotot: KFFlamurtari/fb

28 June, 2020 @19:02

Flamurtari ka shënuar edhe një fitore impresive në Superligë, derisa në njërën ndër dyluftimet direkte për mbijetesë ata kanë mposhtur…

Të gjitha lajmet nga FFK Superliga