Goleadë në Stamford Bridge, për tu përzier grupi krejtësisht

Lille është ekipi i vetëm që nuk ka gjasa të dalë më tutje nga Grupi H i Ligës së Kampionëve, pasi që u mposht thellë sonte nga Valencia 4-1 në Mestalla.

Me këtë fitore, Valencia arriti në 7 pikë. E në 7 pikë janë edhe Chelsea e Ajax, që barazuan në goleadën 4-4 në Stamford Bridge sonte.

Ajax ka qenë në epërsi 1-4, para se dy futbollistë të tij të përjashtohen me kartona të kuq, gjë që e shfrytëzoi mirë ekipi i Frank Lampardit për të barazuar në fund 4-4 [Jorginho (P) 4’, (P) 71’, Azpilicueta 63’, Reece James (74’) - Tammy Abraham AG 2’, Quincy Promes 20’, Kepa AG 35’, Donny van de Beek 50’].

Gjendja e Grupit H aktualisht është kështu: Chelsea, Ajax e Valencia, secila nga 7 pikë dhe i fundit në grup është Lille, me 1 pikë të vetme.

Duelet e mbetura në këtë grup janë këto: Valencia - Chelsea, Lille - Ajax, Chelsea - Lille dhe Ajax - Valencia.