CRYSTAL PALACE - CHELSEA
Fotot: premierleague.com
Kante mjafton për të ngritur distancën
30 December, 2018 @16:13
Chelsea ka shënuar fitore në duelin e fundit të vitit për ekipin e tij ndaj Crystal Palacit sot.
Ka mjaftuar goli i Ngolo Kantes në minutën e 51-të të ndeshjes për tre pikët e Chelseat, që tashmë kanë krijuar distancë 5 pikëshe mes pozitës 4 ku gjenden ata dhe pozitës 5, ku gjendet Arsenali - që ndan rrugën e ekipeve që kërkojnë kualifikim në Ligë të Kampionëve për stinorin e ardhshëm.
Chelsea dominoi në ndeshje, ndërsa dy herë qëlluan shtyllën e kundërshtarit me anë të Willianit dhe Ross Barkleyt.
Ndër të tjera, Chelsea është tash edhe afër Cityt dhe Tottenhamit që gjenden mbi ta në tabelë, derisa Crystal Palace që drejtohet nga Roy Hodgson pas fitoreve befasuese ndaj Leicester Cityt dhe Manchester Cityt pret që në Vitin e Ri t’i kthehet tre pikëshave për të vazhduar luftën e mbijetesës në elitë.
BBC MAN OF THE MATCH:
| Ngolo Kante (Chelsea) |
