KEK-u shpërthen ndaj Vitisë

Fitorja e dytë me radhë në shtëpi, i ka dhënë KEK-ut shpresa të jashtëzakonshme për mbijetesë në Ligë të Parë B, pasi që ekipi është afruar shumë me Ferizajin që është mbi ta në zonë shpëtimi!

KEK-u ka demoluar Vitinë, veçanërisht në 20 minutat e fundit, pasi që në pjesë të parë thuajse kishte siguruar fitoren, sipas ecurisë së ndeshjes.

Elektricistët pas 2-0 të pjesës së parë në Agron Rama të Obiliqit, në 20-minutëshin e fundit të ndeshjes kanë shënuar edhe 4 herë në portë të Vitisë për të fituar 6-0 dhe për të siguruar tripikëshin që i mban gjallë shpresat për mbijetesë.

TABELA AKTUALE

Përndryshe, Vitia është e qetë lartë në tabelë dhe pa rrezik për rënie e as tendenca për më shumë, pas humbjes së hapit me kryesuesit në këtë ligë.

KEK-u në dy xhirot e fundit do të ketë punë të vështirë, veçanërisht në xhiron e radhës, kur i shkon Flamurtarit që po kërkon Superligën, ndërsa në xhiron e fundit pret 2 Korrikun.

KEK 6-0 Vitia [Florim Bërbatovci 20, Besart Dushi 33, Adnan Haxha 73, Bler Thaqi 87, Visar Sahiti 89, Gëzim Berisha 90+4].