TE TOTTENHAM
Kthehet për derbi
4 November, 2016 @14:49
Trajneri i Tottenham Hotspursit, Mauricio Pochettino, ka bërë të ditur sot në konferencë për shtyp se sulmuesi më i mirë i ekipit, Harry Kane, do të jetë në gjendje të luajë në derbin ndaj Arsenalit këtë fundjavë.
Kane është më se 6 javë larg fushave për shkak të një lëndimi në gju, por ka nisur këtë javë stërvitjet me skuadrën.
Derbi i Londrës Veriore ndërmjet Arsenalit dhe Tottenhamit zhvillohet në “Emirates” me fillim në ora 13 të dielën më 6 nëntor.
