Kukësi prezanton trajnerin e ri të skuadrës

Në konferencën për shtyp të paralajmëruar për orën 10:00, nënkampioni i Shqipërisë, Kukësi ka prezantuar trajnerin e ri të skuadrës.

Bashkë me drejtorin sportiv, Nderim Nexhipi, në konferencë, është paraqitur edhe ish trajneri i Dritës së Gjilanit, Shpëtim Duro, i cili tash e tutje do të ketë në dorë timonin e ekipit të kaltër nga qyteti që bashkon Drinin e Bardhë dhe të Zi.

Përvojë në shqiptari

Duro është njëri nga trajnerët më me përvojë në Shqipëri. Ai është ndër trajnerët e paktë (ndoshta edhe i vetmi) që ka pasur rastin të drejtojë skuadra nga e gjithë shqiptaria, duke pasur parasysh se përveç punës me (Partizanin, Skënderbeun, Besën, Flamurtarin…) ka punuar edhe në Kosovë me Dritën si dhe në Maqedoni me Shkëndijën.

Përvoja e tij, si dhe përforcimet e deritashme të bëra të Kukësit, premtojnë një stinor që mund të rikthejë ekipin në krye të Superiores.