Labinot Ibrahimi arrin para ndeshjes së parë

Mbrojtësi i krahut, Labinot Ibrahimi, që ka bërë karrierë deri tash te Partizani i Tiranës, duke qenë njëri ndër lojtarët standard të skuadrës, sot është paraqitur në stërvitjen e ekipit të ri të tij, Prishtina.

Bardhekaltërit janë shprehur të jenë të lumtur me arritjen e mbrojtësit me përvojë, ndërsa kanë bërë të ditur se tashmë skuadra e tyre është kompletuar për stinorin 2019/20, ku synim kryesor natyrisht pritet të jetë titulli kampion.

Prishtina në dy sezonet e fundit arriti deri te titulli nënkampion i Kosovës, ndërsa dy herë pati rastin që me fitore të siguronte titullin, por në ndeshjet e fundit nuk pat ndezur.

Ibrahimi 33 vjeç pas 6 stinorëve të kaluara te Partizani me të cilët së fundi fitoi titullin kampion të Shqipërisë, ka në bagash rreth 200 ndeshje me të kuqtë e Tiranës. Ai dy herë është bërë edhe nënkampion i Superiores.