Mbrojtja më e mirë e LaLigas, pranon 4 gola dhe eliminohet nga Kupa

Real Madrid është befasuar në shtëpi nga Real Sociedad për tu eliminuar nga Kupa e Mbretit të Spanjës, pasi humbi 3-4 [Marcelo 59, Rodrygo 81, Nacho 90 - Odegaard 22, Isak 54, 56, Merino 69] në Santiago Bernabeu.

Mesfushori norvegjez i Real Madridit, që është në huazim te Sociedadi, Martin Odegaard, ka hapur serinë e golave për mysafirët, që kanë bërë befasinë e radhës në Kupë, pas Mirandesit nga Segunda Division dje, që eliminoi Villarrealin.

Madrilenët këtë sezon kanë pasur statistikë të jashtëzakonshme në mbrojtje, duke pranuar vetëm 13 gola përgjatë tërë stinorit në LaLiga, derisa sonte kanë pranuar sa gati një e treta e krejt golave përgjatë 22 xhirove në kampionat!

Adnan Januzaj luajti në pjesën e parë të ndeshjes, për tu zëvendësuar në pjesë të dytë nga Barrenetxea. Ndërsa suedezi Alex Isak ka shënuar dygolësh, një prej të ciliave - jashtëzakonshëm.

Real Sociedad është gjysmëfinalist i tretë i Kupës së Mbretit, bashkë me Granadan e Mirandesin! Skuadra e fundit gjysmëfinaliste kuptohet pas pak, pas duelit Athletic Bilbao - Barcelona.