REGJISTROHET 3-0
Memushaj dhe Manaj, fitojnë në tavolinë
30 August, 2016 @11:04
Përkundër se Rey Manaj shënoi gol dhe përafroi rezultatin në 2-1, ndërsa ekipi i tij u mposht nga Sassuolo në xhiron e dytë të Serie A-së, sot ekipi i Pescarës është duke i festuar tre pikët e para në Serie A, për këtë stinor.
Ledian Memushaj është ndër lojtarët kryesorë të Pescarës, ndërsa Manaj është huazuar nga Interi.
Kjo pasi që, Serie A ka vërtetuar se Sassuolo ka futur në lojë lojtarin Antonio Ragusa, që nuk është regjistruar në Federatë pas transferimit dhe dorëzimit të listës së 25 lojtarëve për ndeshjet e para.
Sassuolo do të ankohet në këtë vendim, por për momentin Pescara e ka të fituar ndeshjen 3-0 në tavolinë, njoftojnë mediat italiane sot.
