ENIS GAVAZAJ
Foto: KFKukesi/fb
Mesfushori i kombëtares, zyrtarisht te Kukësi
22 July, 2019 @23:29
Mesfushori 24 vjeçar i kombëtares shqiptare, Enis Gavazaj, është lojtar i ri i Kukësit, ka bërë të ditur faqja zyrtare e ekipit verilindor të Shqipërisë.
Gavazaj i lindur në Zhur të Prizrenit së fundi ka qenë pjesë e ekipit të Dinamo Minskut në Bjellorusi, ndërsa më parë ka luajtur edhe për Yeniseyin rus.
Ai së fundi ka pasur paraqitje me Shqipërinë në kuadër të Ligës së Kombeve, derisa ekipin e drejtonte Christian Panucci. Gavazaj ka kaluar të gjitha grupmoshat e Shqipërisë, duke nisur nga U19, U21 dhe së fundi edhe seniorët.
Kukësi ka bërë të ditur se Gavazaj ka nënshkruar kontratë dy vjeçare me ekipin.
