DUELET PËR EURO 2021
Nisin përgatitjet e Kosovës U21 për duelet e qershorit
24 May, 2019 @16:15
Përfaqësuesja e Kosovës U21 që drejtohet nga Rafet Prekazi, do t’i fillojë stërvitjet për ndeshjet kualifikuese për EURO 2021 ndaj Andorrës dhe Turqisë më 27 maj në Prishtinë.
Stërvitjet do të mbahen në stadiumin e Flamurtarit, Xhemajl Ibishi. Përveç Andorrës dhe Turqisë, Kosova në grup ka kundërshtarë edhe si Anglia, Austria dhe Shqipëria.
Dueli i parë që Kosova U21 do ta luajë në kuadër të këtyre kualifikimeve do të jetë ndaj Andorrës si mysafir më 6, ndërsa e dyta do të jetë në Fadil Vokrri ndaj Turqisë më 11 qershor.
Sa i përket listës së lojtarëve të ftuar për këto dy ndeshje të radhës, FFK ka bërë të ditur se Prekazi do ta shpallë listën e lojtarëve të hënën, më 27 maj, në ora 15:00, kur do të ketë edhe konferencën e parë për shtyp para këtyre ndeshjeve.
AGJENDA:
27 maj, ora 17:00 stërvitje 28 maj, ora 17:00 stërvitje 29 maj, ora 17:00 stërvitje 30 maj, ora 17:00 stërvitje 1 qershor, ora 17:00 stërvitje 2 qershor, ora 10:30 dhe 17:00 stërvitje 3 qershor, ora 17:00 stërvitje 6 qershor, ndeshja Andorë U21 – Kosovë U21 8 qershor, ora 17:00 stërvitje 9 qershor, ora 17:00 stërvitje 10 qershor, ora 17:30 (stërvitje në stadiumin “Fadil Vokrri”) 11 qershor, ndeshja Kosovë U21 – Turqi U21, në stadiumin “Fadil Vokrri” |