VUSHTRRIA 1-1 TREPÇA'89
Penallti e humbur dhe Vushtrria shpëton nga Muja i rrezikshëm
25 August, 2019 @19:07
Ardian Muja i Trepçës’89 është në formë të mirë në këtë fillim-stinor të Superligës dhe vetëm fati e ka shpëtuar Vushtrrinë nga humbja sot në Ferki Aliu.
Ndeshja përfundoi baraz 1-1, ndërsa epërsinë së pari e mori ekipi i drejtuar nga Shpëtim Idrizi, përmes Ardian Mujës, që pas asistimit të Muharrem Jasharit në një kundërsulm të shpejt shënoi për 0-1 në të mirë të mitrovicasve (17’).
Sidoqoftë, Vushtrria u kthye në lojë dhe barazoi në minutën e 31-të të ndeshjes me anë të një goli të bukur të Jasmin Raboshtës, për të shkuar në pushim 1-1. Vushtrria ka pasur rast ideal që të kalojë edhe në epërsi dhe ndoshta edhe të fitojë ndeshjen, por penalltinë e fituar për vendasit Daut Maxhuni (45’) e çoi mbi portë të Arben Beqirit të ‘89-shit.
Në pjesën e dytë Bekim Shotani me zëvendësime tentoi të ndërroi kahjen e lojës dhe Vushtrria pati disa raste, por gjithsesi më të mirat i kishte ‘89-shi që përmes Mujës ka mundur të shënojë së paku edhe dy herë në portë të vendasve.
Kjo nuk ndodhi dhe ekipet u ndanë baraz në Ferki Aliu, duke marrë nga një pikë secila, që ishte edhe e para për Vushtrrinë e rikthyer në Superligë.
