Rashford prish serinë e fitoreve të Mourinhos

Seria prej tre fitoreve në të gjitha garat për Jose Mourinhon e posa ardhur te Tottenham Hotspur ka përfunduar sonte.

Shkaktar i kësaj ka qenë ish ekipi i Jose Mourinhos, Manchester United, që në saje të brilancës së Marcus Rashfordit, ka shënuar fitore 2-1 në Old Trafford ndaj gjelave të Londrës.

Rashford shënoi bukur në minutën e gjashtë të ndeshjes për 1-0, ndërsa një super gjindshmëri në sulm e Dele Allit çoi skuadrat në pushim, 1-1 (39’).

Me të nisur pjesa e dytë, United fitoi penallti, të cilën e konvertoi në gol Rashford në formë, dhe kështu solli fitoren e parë të Unitedit pas tre ndeshjeve pa fitore.

Me fitore, United ngritet në pozitën e gjashtë, duke lënë Tottenhamin në pozitën e tetë të tabelës, me një pikë më pak.

TABELA AKTUALE:

4. Chelsea 29p.
5. Wolves 23p.
6. Man United 21p.
7. Cry. Palace 21p.
8. Tottenham 20p.
9. Sheffield U. 19p.