E gjashta rekorde, statistika, histori… - Topi i Artë 2019: Lionel Messi

Çmimi më i rëndësishëm individual në botën e futbollistëve, më prestigjiozi, Ballon d’Or nga frëngjishtja, Topi i Artë në shqip - i shkoi për të gjashtën herë Lionel Messit të Argjentinës dhe Barcelonës.

Lionel Messi 32 vjeç ka fituar të gjashtin Top të Artë sonte, ndërsa të parin që prej vitit 2015. Ai ka shënuar 54 gola për ekipin dhe kombëtaren e tij gjatë stinorit 2018/19, ku Barcelona fitoi LaLigan.

Së fundi, Messi regjistroi të 700-tën paraqitje për Barçën, derisa ka shënuar 614 gola për ekipin dhe ka fituar 34 trofe me të, ku theksohen 10 tituj të LaLigas e 4 trofe të Ligës së Kampionëve.

Ballon d’Or ipet që prej vitit 1956 nga prestigjiozja franceze France Football, derisa anglezi Stanley Mattheës ka qenë fituesi i parë i saj. Ky çmim i është dhënë vetëm lojtarëve evropian deri në vitin 1995.

Nga viti 1995 iu dha të gjithë futbollistëve, pa marrë parasysh prej nga vinë, por që luajnë në ekipe evropiane.

Ndërsa prej vitit 2007 çmimi u bë i mundshëm për secilin lojtar në secilin ekip të botës.

Votat për më të mirin ipen nga gazetarët nga e gjithë bota, me një nga secili vend, ndërsa ky çmim nga viti 2010 deri në vitin 2015 u fuzionua me çmimin e FIFA lojtarit më të mirë në botë dhe quhej FIFA Ballon d’Or.

Nga viti 2016, kjo marrëveshje mes FIFA-së dhe France Footballit u ndërpre, duke iu kthyer kështu emërtimi origjinal, Ballon d’Or.

Në 12 vitet e fundit, pra prej vitit 2008 këtë çmim e kanë dominuar superyjet Lionel Messi dhe Cristiano Ronaldo, që bashkë e kanë fituar 11 herë, ndërsa i vetmi që ka arritur të futet në mesin e këtyre përgjatë këtyre viteve ka qenë kroati Luka Modric, në vitin 2018.

France Football përzgjedh tridhjetë futbollistë nga mbarë bota dhe ata votohen prej 1 deri në 5 pikë, nga ku edhe mbledhja e pikëve jep më të mirin.

RENDITJA PËRFUNDIMTARE E BALLON D’OR 2019:

1. Lionel Messi - Barcelona & Argjentina;
2. Virgil VanDijk - Liverpool & Holanda;
3. Cristiano Ronaldo - Juventus & Portugalia;
4. Sadio Mane - Liverpool & Senegal;
5. Mohamed Salah - Liverpool & Egjipt;
6. Kylian Mbappe - PSG & Franca;
7. Alisson Becker - Liverpool & Brazil;
8. Robert Lewandowski - Bayern & Polonia;
9. Bernardo Silva - Manchester City & Portugalia;
10. Riyad Mahrez - Manchester City & Algjeria;
11. Frenkie deJong - Barcelona & Holanda;
12. Raheem Sterling - Manchester City & Anglia;
13. Eden Hazard - Real Madrid & Belgjika;
14. Kevin deBruyne - Manchester City & Belgjika;
15. Matthijs deLigt - Juvents & Holanda;
16. Sergio Aguero - Manchester City & Argjentina;
17. Roberto Firmino - Liverpool & Brazil;
18. Antoine Griezmann - Barcelona & Franca;
19. Trent Alex-Arnold - Liverpool & Anglia;
20. Dusan Tadic - Ajax & Serbia;
20. Pierre-Emerick Aubameyang - Arsenal & Gabon;
22. Son Heung-min - Tottenham & KoreaJugore;
23. Hugo Lloris - Tottenham & Franca;
24. Kalidou Koulibaly - Napoli & Senegal;
24. Marc-Andre terStegen - Barcelona & Gjermania;
28. Donny van deBeek - Ajax & Holanda;
28. Joao Felix - Atletico Madrid & Portugalia;
28. Marquinhos - PSG & Brazili.

FITUESIT MË TË SHPESHTË TË TOPIT TË ARTË: