Në shiun madrilen, Messi vendos

Pasi që tentimet e shumta të Atletico Madridit, Marc Andre ter Stegen i mbronte mrekullisht, kah fundi i ndeshjes derisa Frenkie de Jong bartte topin për në sulmin e radhës, atë e kërkoi Lionel Messi.

Messi më pas vrapoi nga e djathta e fushës për në qendër të 20 metërshit të Atleticos, ku kërkoi nga Luis Suarez një pasim të dyfishtë.

Suarez ia ktheu menjëherë topin dhe Messi me të majtën e tij gjeti këndin e Jan Oblakut tejet të mirë për të shënuar fitore Barcelona në Wanda Metropolitanon krejt ujë, nga shiu që s’u ndalte assesi sonte në Madrid.

Me fitore, Barcelona (0-1, Messi 86’) nuk ia lëshoi kreun rivalit të përbetuar Real Madrid dhe tash me pikë të njëjta, por në saje të golaverazhit më të mirë, katalonasit janë në krye të klasifikimit.

Messi përndryshe ka shënuar golin e nëntë të këtij stinori, një më pak se lideri i golashënuesve Karim Benzema. E argjentinasi, gjithashtu është bërë njeriu që i ka shënuar më së shumti gola Atletico Madridit, duke i dhënë 30 gola në 38 takime sa kanë pasur deri tash.

TABELA AKTUALE:

1. Barcelona 31p, 14 ndeshje;
2. Real Madrid 31p, 14 ndeshje;
3. Sevilla 30p, 15 ndeshje;
4. Real Sociedad 26p, 15 ndeshje;
5. Ath Bilbao 26p, 15 ndeshje;
6. Atletico M 25p, 15 ndeshje…