VËLLAZNIMI 1-0 ONIX
Foto: KFVellaznimi/fb
Këndellja e Vëllaznimit po vazhdon
1 December, 2019 @19:09
Tashmë skuadra gjakovare që s’dinte për fitore në fillim të stinorit, duket se është këndellur.
Vëllaznimi ka shënuar fitoren e tretë me radhë të stinorit në Ligë të Parë dhe ka dalë nga fundi i tabelës së klasifikimit.
TABELA AKTUALE E LIGËS SË PARË
Përndryshe, gjakovarët tash kanë pesë ndeshje pa humbje në Ligë të Parë, ndërsa me fitoren e sotme ndaj Onixit 1-0 kanë kërcyer për dy vende prej fundit të renditjes.
Golin e vetëm dhe të fitores për ekipin gjakovar e ka shënuar Rron Rogova në pjesë të parë të ndeshjes, për t’ia dhënë fitoren jashtëzakonisht të rëndësishme kuqezinjëve që tashmë përgjatë pushimit dimëror pritet të këndellen për një pranverë sfiduese.
