Super Dren Gashi, Ferizaj shpreson shpëtimin!

Ndeshja mes Ferizajit dhe Llapit, e paraparë të luhej dje, u luajt sot për shkak të kushteve jo të mira atmosferike gjatë ditës së djeshme.

E në takimin e zhvilluar sot ishte skuadra vendase ajo që iu gëzua fitores. Me Dren Gashin në super-formë, ferizajasit e mposhtën Llapin me rezultatin përfundimtar 2-0.

TABELA AKTUALE

Dren Gashi serinë e golave e hapi në minutën e 2’, kurse golin e sigurisë për skuadrën e tij ai e shënoi në minutën e 55’ pas një topi të pranuar nga Edon Sadriu. Në vazhdim të ndeshjes gola të tjerë nuk pati dhe ndeshja u mbyll me rezultatin final 2-0.

Si në ndeshjen e kaluar, edhe sot Ferizaj u drejtua nga Burim Qerkini, i cili drejtimin e klubit e mori me t’u larguar Bekim Isufi.

Fitorja e sotme i jep shpresë për mbijetesë Ferizajit, kurse synimet sezonale për Llapin tashmë janë të shuara.