Kryendeshje me shumë raste, Ballkani përsëri lider

Ndeshje në tempo të lartë panë mijëra tifozë që kishin ardhur të shikojnë derbin e xhiros në Fadil Vokrri, por gola s’kishte.

Prishtina nuk arriti të mposht Ballkanin dhe kështu me pikën e fituar në përballjen pa gola 0-0, suharekasit rikthejnë kreun e Superligës, por kësaj radhe me vetëm një pikë më shumë sesa ndjekësi i parë i tyre, Drita.

Që në fillim të ndeshjes (2’) Ballkani pati rast përmes Egzon Sinanit, por tentimi i tij u ndal nga reprezentuesi Visar Bekaj. Më pas Prishtina (29’) ndërroi Leotrim Bekteshin e lënduar, në pjesë të parë, me Ahmet Halitin, derisa rastin e parë serioz e kishte kah fundi i pjesës së parë (43’) përmes Oto Johnit, që u ndal nga mbrojtja e Ballkanit.

TABELA AKTUALE

Në pjesë të dytë edhe më shumë raste, nga të dyja palët, por sulmuesit e asnjërit ekip s’ishin në formën më të mirë të tyre. Prishtina bile edhe shënoi njëherë në portën e suharekasve, por goli s’ishte i rregullt pasi që nigeriani John (73’) ishte në pozitë jashtë loje.

Artur Magani (53’) më parë kishte tentuar për Ballkanin, por Bekaj përsëri ka qenë në vend.

Kah fundi i ndeshjes Prishtina tentoi më shpesh por njëherë Ahmed Januzi (85’) e në kohën shtesë Ahmet Haliti s’u gjindën mirë për të rrezikuar.

Barazimi më shumë i konvenoi Ballkanit, që ktheu lidershipin në klasifikim, që në xhiron e radhës ka edhe një derbi para vetes - pret Dritën.

FORMACIONET STARTUESE