ISTOGU 1-0 DRENASI
Foto: KFIstogu/fb
Qëndrim Jahaj vendimtar, Istogu afrohet në zonën e Superligës
29 February, 2020 @20:10
Në ndeshjen e sotme në kuadër të Ligës së Parë, Istogu ka arritur fitore tepër të rëndësishme për t’i ringjallë shpresat për Superligë, duke e mposhtur me rezultat minimal Drenasin në Demush Mavraj 1-0 [Qëndrim Jahaj 64’].
Gjatë ndeshjes kishte raste për të dyja palët, por pjesa e parë përfundoi pa gola. Në pjesë të dytë, tempoja e lojës ishte e njëjtë, derisa Jahaj shënoi pas kornerit të ekzekutuar nga Egzon Kurtishaj, pasi që u gjend më së miri në zonë.
Me këtë fitore Istogu me një ndeshje më shumë të zhvilluar është vetëm një pikë larg pozitës së dytë që dërgon në Superligë.
