MITROVICË
Trepça falenderon FFK-në për ndihmën
14 April, 2020 @11:48
Skuadra mitrovicase, Trepça, që garon në Ligë të Parë të Kosovës ka falenderuar publikisht FFK-në për pakon e ndihmës për klubet e futbollit.
“Tani kur Federata po punon pa dallime të klubeve, ne nuk mund të mos shprehim respektin dhe falenderimin për kryetarin e FFK-së, KE-në dhe gjithë stafin e FFK-së, që është ndër të parat që na doli në ndihmë në kohë të pandemisë,” është shkruar ndër të tjera në njoftimin e ish kampiones së Kosovës.
FFK ka publikuar pakon e ndihmës ditë të parë, që është jetike për shumicën e klubeve në Kosovë. Ka pasur edhe reagime kundër kësaj pakoje, ndërsa më të zëshmit në reagim kanë qenë KF Llapi e KF Trepça’89.
Përndryshe, Trepça është duke luftuar për mbijetesë në Ligë të Parë të Kosovës.
Deri tash, ekipi mitrovicas ka arritur të kap 23 pikë nga 20 ndeshje të zhvilluara ku ka shënuar gjashtë fitore, pesë barazime dhe nëntë humbje.
Vetëm dy pikë më pak ka Vllaznia e Pozharanit është në zonë të rrezikshme të Ligës së Parë.