UDINESE - ROMA
Foto: Udinese Official/fb arkiv
Udinese e Behramit befason Romën
24 November, 2018 @17:07
Udinese, ku luan Valon Behrami, nuk dinte për fitore në Serie A që nga shtatori. Dhe pak kush besonte se fitoren do ta arrinë në ditët e fundit të nëntorit, derisa forma e ekipit ishte në rënie vazhdimisht.
Por, befasia ndodhi. Bardhezinjtë e Udines me në mes të fushës Valon Behramin punëtor (karton i verdhë 65’) shënuan gol në minutën e dhjetë të pjesës së dytë të ndeshjes për t’ia dhënë fitoren ekipit dhe daljen momentale nga pjesa e rrezikshme e klasifikimit.
Ka qenë argjentinasi Rodrigo Javier de Paul që shënoi në minutën e 55-të të takimit për t’i lënë gojëhapur kundërshtarët në Dacia Arena të Udines. Roma në këtë ndeshje vinte pas dy fitoreve me radhë, ndërsa po lufton për katërshen kryesore të Italisë këtë stinor.
