Valon Berisha: Bonusi dhe fantazia për Kosovën

Njëri ndër lojtarët që shumë i ka munguar Kosovës në muajt e kaluar për shkak të lëndimit, Valon Berisha, në konferencën e fundit për shtyp të futbollistëve ka folur për ndeshjet e radhës, ndaj Çekisë dhe Anglisë.

Ai ka thënë që në fillim se këto dy skuadra janë favorite në Grupin A ku bën pjesë Kosova.

ORARI I NDESHJEVE dhe TABELA AKTUALE

“Anglia dhe Çekia janë favoritë në grupin tonë, pasi kanë eksperiencë të madhe. Janë dy ndeshje shumë të rëndësishme sidomos kjo në shtëpi kundër çekëve, që ma merr mendja që është çelësi i këtij grupi për neve. Ndërkaq në Angli nuk kemi çfarë të humbim, duhet të dalim e të luftojmë dhe të shohim çfarë mundemi të marrim. Nëse marrim një pikë është bonus, derisa fitorja është fantazi. Ma merr mendja që me mbështetjen e tifozëve do të shkojmë për fitore, pasi edhe ne tash njihemi mirë me njëri-tjetrin”, ka theksuar Berisha.

Ai ka thënë se ende nuk është në 100 përqind të formës, por beson se shumë shpejtë do të jetë në nivelin e tij më të mirë.

ORARI I NDESHJEVE dhe TABELA AKTUALE

“Prej nëntorit nuk kam luajtur me kombëtaren. Jam shumë krenar me rezultatet që i ka arritur Kosova. Ma merr mendja që askush nuk e ka pritur këtë sukses. Sa i përket formës ende nuk e kam atë nivel që e kam pasur, pasi 6 muaj kam qenë jashtë për shkak të lëndimit, por kam punuar shumë në stërvitje dhe pas çdo loje do e kthej formën”, shtoi ai.

Kosova më 7 shtator luan ndaj Çekisë në Fadil Vokrri, ndërsa më 10 shtator udhëton për në St Marry’s për ndeshje ndaj Anglisë. Të dyja këto ndeshje do të jenë të para ndaj reprezentacioneve përkatëse në histori të vendit tonë.

ORARI I NDESHJEVE dhe TABELA AKTUALE