Vëllaznimi humb duelin direkt për mbijetesë nga Ramiz Sadiku

Ekipi i Vëllaznimit mund të pësojë shumë keq në fund të stinorit. E pa-paramenduar më parë, por Vëllaznimi seriozisht po rrezikon qëndrimin në Ligë të Parë, pasi që sot kanë humbur duelin direkt ndaj skuadrës së Ramiz Sadikut, ku këta të fundit kanë triumfuar si mysafir në Gjakovë.

Zhgënjimi është i madh në ekip, derisa ekipi i ri prishtinas ka shënuar në pjesë të parë të ndeshjes për të ruajtur rezultatin 0-1 deri në fund të lojës dhe kështu mori tre pikë të arta, që e ngritën atë nga zona e rënies në zonë të PlayOutit. Golin vendimtar për prishtinasit e ka shënuar golashënuesi me përvojë i Superligës, Fillim Guraziu.

TABELA AKTUALE

E Vëllaznimi, që nuk ka shënuar fitore në pjesën e dytë të stinorit, ndërsa e fundit i daton më 1 dhjetor 2019, do të duhet të kërkojë pikë ndaj 2 Korrikut xhiron që vjen.

Ramiz Sadiku pret Istogun në një duel gjithashtu interesant, ku vendasit kërkojnë mbijetesën, ndërsa mysafirët po luftojnë për pjesën e epërme të klasifikimit.