VEDAT MURIQI
Kur s’fitojmë, goli nuk ka rëndësi
29 February, 2020 @22:45
Sulmuesi i Kosovës, Vedat Muriqi, që sonte shënoi në përballjen e Fenerbahçes ndaj Antalyasporit si mysafir, ka thënë se goli i tij nuk ka rëndësi kur ekipi nuk fiton. Antalyaspor - Fenerbahçe u ndanë baraz 2-2 në fund.
Muriqi nuk kishte shënuar gol 4 javë për verdhekaltërit nga Stambolli.
“Kanë kaluar disa javë pa shënuar gol. Por, kur ekipi s’fiton s’është me rëndësi a kam shënuar apo jo. Sot fatkeqësisht kështu ndodhi. Goli im nuk kreu punë për ekipin,” ka thënë Muriqi ndër të tjera, transmeton NTV fjalët e prizrenasit.
Fenerbahçe aktualisht e shtata në renditje ka 39 pikë, 9 më pak se lideri Trabzonspor që ka një ndeshje më pak të zhvilluar.
E Vedati ka shënuar golin e 13 të stinorit për ekipin e tij në Superligë sonte.
