Arbër Zeneli i kthehet fushës, Guion i beson minutat e fundit

Trajneri i Stade de Reims, David Guion, që në ftesën e parë të tij ndaj Arbër Zenelit që iu rikthye ekipit pas lëndimit që e mbajti jashtë fushave gjatë, i ka besuar dhe i ka dhënë 5 minuta paraqitje në ndeshjen e vështirë ndaj Monacos.

Monaco që kishte marrë avantazhin në pjesë të parë nga penalltia nuk arriti të mposht ekipin e Zenelit, pasi që mysafirët barazuan në minutën e 58-të të ndeshjes për përfundimtaren 1-1 [Ben Yedder 31p - Kamara 58].

Zeneli zëvendësoi Tristan Dingomen në mesfushë në minutën e 85-të të përballjes duke luajtur deri në fund të takimit.

Përndryshe me barazimin e sotëm, Reims është ngritur në pozitën e shtatë të klasifikimit përkohësisht, duke marrë pikën e 38-të të stinorit pas 27 xhirove.
Monaco është e gjashta, me 40 pikë.