REKORD TRANSFERI I ARSENALIT
11-shja e Arsenalit
3 September, 2013 @0:43
Futbollisti i përfaqësueses gjermane, Mesut Ozil, është lojtar i ri i Arsenalit tashmë edhe zyrtarisht. Arsenal dhe Arsene Wenger kanë pritur deri në pesë minutat e fundit para mbylljes së afatit kalimtar për të zyrtarizuar transferin më të madh në histori të klubit.
Mesfushori ofanziv 24 vjeçar i Real Madridit ka kryer testet mjekësore në Gjermani sot gjatë ditës dhe krejt në fund, para se të skadojë afati kalimtar i futbollistëve në Angli është zyrtarizuar nga topçinjtë e Londrës.
Ozil është bërë transferi i dytë më i shtrenjtë në histori të Premier League-së angleze. Epitetin e të parit e mban ende Fernando Torres, kur pat kaluar nga Liverpooli në Chelsea. Arsenal thuhet të ketë paguar 50 milionë euro për dëmshpërblimin e gjermanit me origjinë turke.
Mesut Ozil do të mbajë numrin 11 në fanellën të Arsenalit.
