Borussia zyrtarizon trajnerin e Borussias

Borussia Mönchengladbach ka bërë të ditur zyrtarisht se trajneri i tyre, Marco Rose, nga vera e këtij viti do të jetë trajner i ekipit rival, Borussia Dortmund!

Ekipi i Mönchengladbachut që ka pasur rezultate të jashtëzakonshme në Ligë të Kampionëve përgjatë pjesës vjeshtore të stinorit, ka bërë të ditur se Rose 44 vjeç ka vendosur të largohet, kur tashmë i kishin mbetur edhe 1 vjet në kontratë me ekipin.

Në anën tjetër Borussia Dortmund, që ende s’e ka zyrtarizuar trajnerin e ri të skuadrës, ka kohë që po vazhdon stinorin me Edin Terzicin e përkohshëm, që erdhi pas shkarkimit të Lucien Favresë.

Kujtojmë, të dyja skuadrat janë pjesë e 1/8 së finales së Ligës së Kampionëve dhe këto javë kanë punë për të luftuar për çerekfinale të garës.

Derisa Borussia Dortmund ndeshet me Sevillën më 17 shkurt e 9 mars, Borussia Monchengladbach do të ketë punë ndaj Manchester Cityt më 24 shkurt e 16 mars.