Debutim me humbje për Klinsmannin

Legjenda e futbollit gjerman, Jurgen Klinsmann, nuk ka arritur të shënojë fitore në debutimin e tij të sotëm si trajner i Herthës në Bundesligë.

Përkundër mundit të madh të treguar të lojtarëve, ekipi nuk ka arritur të mposht njërën ndër skuadrat më të mira gjermane, Borussia Dortmund, sot në Olympiastadion të Berlinit, 1-2 [Darida 34’ - Sancho 15’, Hazard 17’].

Në fakt, Hertha shënoi një gol të barazimit, por gëzimi i tyre ishte i shkurtë, pasi që goli u anulua.

Humbja, e fut Herthën në zonën e rrezikshme të Bundesligës, derisa ekipi tashmë ka pesë disfata radhazi - e Klinsmann do të ketë punë të madhe për të nxjerrë ekipin nga kriza e rezultateve.

Ndërkaq, Borussia Dortmund ka shënuar ngritje, duke kapur pozitën e pestë me 23 pikë nga 13 ndeshje.