Edhe 2 futbollistë te Liria

Skuadra e Lirisë së Prizrenit që do të garojë në Ligë të Parë të Kosovës në stinorin 2019/20, ka prezantuar edhe dy përforcime në klub sot, duke e çuar kështu numrin e futbollistëve me të cilët ka vazhduar/shtuar në skuadër në 7.

Fjala është për Drilon Hodajn dhe Petrit Gashin, me të cilët klubi bardhezi nga Prizreni, pasi që ka emëruar trajner Samuel Nikajn, kërkon të kthehet sa më shpejt në Superligë.

Kështu pas rikthimit të mesfushorit me përvojë Alsid Tafili dhe vazhdimit me Valon Bytyqin, Fitim Susurin, Ragip Thaçin, Albin Memajn, kontigjenti i futbollistëve në Prizren po ngritet.

Liria në stinorin e kaluar nuk ka arritur të sigurojë mbijetesën në Superligë, duke rënë direkt nga elita e futbollit bashkë me KEK-un e Obiliqit.