Ferizaji në mediat angleze pas privatizimit

Skuadra e Superligës, KF Ferizaji, është përmendur në disa media angleze sot, pasi që ish lojtari i Sheffield United, Leeds, Benfica, Middlesbrough dhe Leicester City, Brian Deane me grupin e tij është bërë aksionar kryesor i ekipit kosovar.

Ish reprezentuesi i Anglisë ka blerë me partnerët e tij biznesorë 51% të ekipit të Superligës.

“Ish lojtari anglez Brian Deane me grupin e tij Benjamin James Rees, Oliver Codrington morrën 51 përqind të aksioneve të klubit, duke premtuar organizim shumë të mirë dhe kanë thënë se KF Ferizaji shpejt do të jetë në Ligë të Kampionëve,” është thënë në komunikatën e klubit.

Ferizaji që prej ardhjes së Bylbyl Sokolit në ekip si trajner në janar të këtij viti, prej ekipit thuajse të sigurt për rënie nga Superliga, kishte siguruar pa barazh Superligën për stinorin 2019/20.

Forma e jashtëzakonshme e skuadrës gjatë pjesës pranverore të kampionatit bëri që ekipi të riorganizohet dhe tash pjesa prej 49% do të përbëhet nga donatorët e qytetit, krahas 51%-shit të përmendur. E KF Ferizaji sot është përmendur nga The Star e Leeds Live.