Flamurtari largohet nga zona e rrezikshme

Ndeshja e fundit e xhiros së 20 në Superligën e Kosovës në futboll, përfundoi me fitoren e Flamurtarit kundër Vushtrrisë.

Skuadra prishtinase e mposhti kundërshtarin me rezultat 2-0 dhe u largua nga zona e rrezikshme.

Flamurtari golat i shënoi në pjesën e parë të ndeshjes. Së pari në minutën e 40’ shënoi Bashkim Shala, derisa një minutë më vonë, Arbnor Zeqiri e dyfishoi epërsinë.

Në pjesën e dytë, skuadra e Vushtrrisë tentoi me Fazliun e Sien, por ishin të pasuksesshëm për ta ndryshuar rezultatin e ndeshjes.

TABELA AKTUALE

Flamurtari me një pikë më shumë (25) se Drenica gjendet në pozitën e tetë, kurse Vushtrria me 15 pikë është në pozitën e parafundit në tabelë.

Në xhiron tjetër Flamurtari takohet me Drenicën, një ndeshje shumë e rëndësishme për të dyja skuadrat, kurse Vushtrria e pret Dukagjinin në shtëpi.