ElClasico Realit për lidership

Real Madrid është rikthyer në krye të La Liga pas fitores ndaj Barcelonës në El Clasico 2-0 [Vinicius 71, Diaz 90+2].

Golat në 20 minutëshin e fundit kanë vendosur ndeshjen. E ato erdhën nga dyshja premtuese e madrielenëve, Vinicius Junior dhe krejt në fund, zëvendësuesi Mariano Diaz.

Me këtë fitore, Real Madrid del mbi Barcelonën në krye të renditjes me një pikë më shumë. Real ka tash 56, ndërsa Barcelona mbetet me 55 pikë, pas humbjes së parë në 5 xhirot e fundit.

Barcelona ishte më afër golit në pjesë të parë, por vendasit dalëngadalë morrën kontrollin, e Isco tentoi dy herë bukur para se braziliani i ri të shënojë nga asistimi i vizatuar i Toni Kroosit.

E në fund, Mariano Diaz në kohën shtesë vulosi rezultatin para se gjyqtari të sinjalizon për fund të ndeshjes.

Vinicius bëhet futbollisti më i ri që shënon në El Clasico në shekullin XXI, ndërsa Mariano Diaz ka shënuar me prekjen e parë të tij të ndeshjes, derisa s’kishte fituar asnjë minutë në LaLiga këtë stinor nga Zinedine Zidane!