Hoti i jep shpresë Feronikelit

Dy me zero ishte në të mirë të vendasve që dukeshin të sigurtë për një fitore edhe më të thellë ndaj Feronikelit, derisa u bë një faul në mes të fushës së Slovanit.

Kombinimi i treshes Fazliu-Rexha-Hoti

Centrimi i saktë i Astrit Fazliut gjeti Kastriot Rexhën, që me kokë uli topin në 16-she, e vrapi i shpejtë i Mendurim Hotit duke goditur topin, gjeti në hap portierin e Slovanit për rezultatin përfundimtar 2-1 në të mirë të vendasve.

E ky rezultat i jep shpresa të mëdha Feronikelit për ndeshjen e kthimit një javë më vonë në Fadil Vokrri të Prishtinës.

Rastet dhe rezultati

Të zgjedhurit e Zekirija Ramadanit sot kanë treguar paraqitje solide, veçanërisht pas pranimit të golit të dytë dhe kanë pasur mundësi të shënojnë. Ata nuk kanë qenë pa raste edhe në pjesë të parë, por kryesisht Rexha për pak nuk arrinte në topat e krosuar përtoke për të futur topin në rrjetë.

Në përgjithësi, rezultat tepër i rëndësishëm dhe nxjerrja e golit si mysafir është avantazh i llojit të vetë në mysafirllëk. Veçanërisht rezultati 2-1.

Golat e Slovanit

Vendasit erdhën heret në epërsi, kur spanjolli Nono Delgado shënoi për 1-0 (9’), ndërsa në pjesë të dytë një faul i panevojshëm i Lapidar Lladrovcit në zonë, i dha mundësinë referit grek që të jep penallti, të cilën në gol e shndërroi slloveni Andra Sporar 2-0 (62’).

Më 30 korrik me fillim në ora 18:00 në Fadil Vokrri, Feronikeli do të ketë mundësi historike për të arritur rrethin e tretë kualifikues të Europa Ligës me një fitore minimale prej 1-0.

i: