Ish sulmuesi i Lirisë vendos derbin dhe Besa rrëzon Lirinë nga kreu

Pesë ndeshje pa fitore dhe Liria bie nga lidershipi i Ligës së Parë. Sot Lirisë pikët ia mohoi Besa e Pejës, që fitoi me rezultat 1-0 ndërsa golin e vetëm të skuadrës nga Shahin Haxhiislami e shënoi ish sulmuesi i Lirisë, Florim Bërbatovci.

Bërbatovci në minutën e 36-të të ndeshjes kapi në ajër harkimin e Dukagjin Gashit dhe falë edhe daljes së gabuar të portierit Drilon Hodaj, shënoi për të vendosur ndeshjen.

TABELA AKTUALE

Liria provoi në pjesë të dytë për të baraspeshuar rezultatin, por kot. Portieri i pejanëve Valdrin Haxhijaj ndali disa raste të ekipit prizrenas, ku dy herë tentoi Jasmin Muhovic dhe një herë provoi edhe Jurgen Gjini.

Fitorja, afron Besën në luftë për një vend në Superligë, pasi që tash ka 21 pikë, ndërsa Liria me 22 mbetet e dyta, por tashmë në rrezik për të humbur gjithçka pas serisë negative që ka kapur ekipin e drejtuar nga Samuel Nikaj - të cilët tashmë 5 xhiro radhazi - nuk dinë për fitore.