Bayern dhe Juventus sigurojnë kualifikimin

Dy ndeshjet e orës 19:00 të Ligës së Kampionëve sonte, kanë dhënë dy ekipet e para të së tetës së finales së kësaj gare.

Bayern në pjesë të dytë ka rrënuar rezistencën e Olympiakosit për t’i mposhtur ata 2-0 (Lewandowski 69’, Perisic 89’) për të siguruar kualifikimin tutje nga Grupi B.

E Juventusi e ka pasur pak më vështirë në përballje ndaj Lokomotivës në Moskë, por gjithsesi krejt në fund përmes brazilianit Douglas Costa e ka siguruar fitoren dhe njëkohësisht edhe pranverën në Evropë.

Juventus mposhti Lokomotivën si mysafir 1-2 (Miranchuk 12’ - Ramsey 3’, Douglas Costa 90’+3).

GRUPI B:

1. Bayern 12 pikë, 4 ndeshje;
2. Tottenham 4 pikë, 3 ndeshje;
3. Zvezda 3 pikë, 3 ndeshje;
4. Olympiakos 1 pikë, 4 ndeshje.

GRUPI D:

1. Juventus 10 pikë, 4 ndeshje;
2. Atletico 7 pikë, 3 ndeshje;
3. Lokomotiva 3 pikë, 4 ndeshje;
4. Bayer 0 pikë, 3 ndeshje.