Jam i Liverpoolit

Luis Suarez nuk do të largohet nga Liverpool. Kështu është shprehur vetë futbollisti uruguajan për gazetën El Observador, që po i përcjellë futbollistët në miqësore ndaj Japonisë. 

“Për shkak të të gjitha gjërave që ndodhën, unë do të qëndrojë në Liverpool, tani për tani,” ka thënë Suarez për gazetën uruguajane. 

Suarez kërkohej nga Real Madrid, Bayern Munchen, Arsenal dhe disa klube tjera gjatë gjithë verës, mirëpo drejtuesit e Liverpoolit nuk dëshironin ta shisnin atë për asnjë çmim, që duket se e bindi lojtarin i cili kërkonte të luaj në Ligë të Kampionëve.