Të gjitha lajmet

OPINION

Kosova para Ligës së Kombeve

Kosova para Ligës së Kombeve

Shkruan: LUAN MORINA

4 September, 2018 @16:00

Këtë javë për Kosovën fillon një kapitull i ri, ai i rritjes. Derisa kualifikimet e para për një garë ndërkombëtare kaluan në njoftimin me njëri-tjetrin, në një stadium me kilometra jashtë vendit, linçimin ndaj kombëtares më shumë nga brenda se sa nga armiqtë e jashtë, dhe pa harruar kritikat e shumta të vazhdueshme ndaj trajnerit e lojtarëve, kjo fazë do të duhej të ishte një rikuperim nga krejt ato probleme.

Milot Rashica

Dhe rikuperimi duhet të vazhdojë aty ku mbetëm me fitoren e thellë, por mbi të gjitha lojën e shkëlqyeshme të projektuar nga Bernard Challandes. Për selektorin tonë, sprova më e madhe nis tani.

ORARI I NDESHJEVE dhe TABELAT

Fatmirësisht ka një grup të lojtarëve në formë – krahët e sulmit. Milot Rashica ka qenë vendimtar për Werderin në dy ndeshjet e fundit, përfshirë golin e fitores në minutën e 96të që duhet të ndikojë pozitivisht në përgatitjen e tij psikike. Arbër Zeneli ka qenë vendimtar me Heerenveenin, dhe dy golat ndaj Shqipërisë mjaftojnë të jenë pikë vazhdimi i kontributit për Kosovën. Sikur Zeneli, edhe Donis Avdijaj ka kontribuar me asistime e gola në ligën holandeze në këto javët e para të sezonit të ri.

Bersant Celina

Dy të tjerët, Bernard Berisha dhe Bersant Celina, nuk janë regjistruar në listën e shënuesve, apo asistentëve. Por, nëse keni parë ndeshjet e Swansea Cityt këtë sezon, Celina ka qenë ndër lojtarët kyç sidomos në aksionet e golave. E Berisha tek Grozny ka qenë më i rregullti nga treshja shqiptare tek ekipi rus.

Atdhe Nuhiu

Kjo pjesë e fushës gjithmonë ka qenë në nivel. As sulmi nuk ka mbetur mbrapa. Atdhe Nuhiu pas dy golave dhe kartonit të kuq nuk ka gjetur më rrjetën për Sheffieldin, e Vedat Muriqi ka qenë i rregullt por nuk ka shënuar për Rizespor pas inkuadrimit në elitën turke.

ORARI I NDESHJEVE dhe TABELAT

Tek Rizespor, hapësirë nuk ka gjetur, dhe vështirë se do të gjejë Samir Ujkani i cili mbetet rezervë e portierit të tretë të kombëtares turke. Ndoshta është momenti i duhur që dorëzat të kalohen tek Visar Bekaj, në këtë fillim të kësaj gare.

Amir Rrahmani

Brenga duhet të japë edhe mungesa e Amir Rrahmanit tek Dinamo e Zagrebit këtë sezon. Në shumicën e rasteve nuk ka qenë as në bankën rezervë, dhe nëse nuk gaboj ka vetëm dy ndeshje. Njëjtë ka ndodhur edhe me Ardian Ismajlin. Por, Kastriot Dërmaku tek Cosenza ka qenë i rregullt, sikur Arbenit Xhemajli me Xamaxin. Ky i fundit vetëm është në formë të përkryer me tashmë gjashtë javë në terren. E njëjta vlen edhe për Mërgim Vojvodën në krahun e djathtë, dhe Benjamin Kolollin në të majtën.

ORARI I NDESHJEVE dhe TABELAT

Idriz Voca e Hekuran Kryeziu kanë qenë shtylla të Luzernit dhe Zurichut në superligën zvicerane. Një kujdes më i madh dhe më pak ndëshkime do të shërbenin shkëlqyeshëm për Kosovën në këto dy ndeshje të radhës.

Bernard Challandes

Forma e lojtarëve, shumicës prej tyre, është në nivel. Tani i mbetet Challandes të dëshmojë që fitorja ndaj Shqipërisë nuk ishte e rastësishme. Asnjëri nga konkurrentët nuk është për tu nënçmuar. Ishujt Faro dinë të luajnë futboll ekipor, e edhe azerbajxhanasit kanë pasur ngritje viteve të fundit. Në këto
ndeshje nuk luajnë emrat e individët, por ekipi. Është koha të dëshmohet që janë duke u bërë ekip.

Arsyetimet po shkojnë duke u shterur. Mundësia e vetme e kualifikimit për Euro2020 është me anë të Ligës së Kombeve.

CITY

Pep zbulon se sa do të mungojë Sane

9 August, 2019 @17:06

Leroy Sane pritet të mungojë rreth gjashtë ose shtatë muaj pasi që pësoi lendim të gjurit. 23 vjeçari, krisi ligamentin…

ARRIHET MARRËVESHJA

Gjykatësi vendos për ditët e LaLigas

9 August, 2019 @17:02

La Liga dhe Federata e Futbollit e Spanjës kanë arritur marrëveshje përfundimtare sa i përket orarit të ndeshjeve për sezonin…

DANEZI

Edhe Schone largohet nga Ajaxi

9 August, 2019 @16:56

Transferi më i ri i ekipit të Genoa, Lasse Schone është zyrtarizuar gjatë dites së sotme. Për ekipin e…

RIKTHIM NË SUPERIORE

Ish mbrojtësi i kombëtares dhe Skënderbeut, te Tirana

9 August, 2019 @15:46

Futbollisti me përvojë, që së fundi luajti si mbrojtës te Skënderbeu i Korçës, Kristi Vangjeli, është zytarizuar sot si lojtar…

DREJTOR SPORTIV

Artim Pollozhani te Flamurtari i Vlorës

9 August, 2019 @15:42

Ish futbollisti i reprezentacionit të Maqedonisë dhe futbollisti i Flamurtarit të Vlorës, Artim Pollozhani, pas vënies së këpucëve në gozhdë…

Të gjitha lajmet nga