Leicesteri blindon trajnerin

Dhelpërat nga stadiumi KingPower pas rezultateve tepër të mira, bile të papritura, kanë marrë vendimin që të blindojnë trajnerin aktual të ekipit, Brendan Rodgers.

Njeriu që erdh nga Celticu skocez dhe u përfol si mundësi kalimi te Arsenal, pas shkarkimit të Unai Emeryt nga topçinjtë, ka vazhduar kontratën me klubin e Leicesterit deri në verë të vitit 2025.

“Jam pjesë e një ekipi të jashtëzakonshëm dhe një stafi të dedikuar që të kenë progres dhe përmirësim, që bëjnë të kënaqesh duke punuar çdo ditë me ta,” ka thënë Rodgers 46 vjeç.

Leicester ka zyrtarizuar vazhdimin e kontratës me Rodgersin sot, ndërsa seria e fitoreve të tyre në Premier Ligë ka arritur në shtatë aktualisht, një rekord që nuk u arrit as në stinorin kur befasuan krejt botën duke e fituar PremierLigën.