RAUL ALBIOL
Manolas e shtyen të kthehet në Spanjë
4 July, 2019 @15:26
Futbollisti spanjoll, Raul Albiol, është ndarë me Napolin dhe i është kthyer La Ligas, duke nënshkruar për Villarrealin, bëjnë të ditur mediat italiane.
Napoli ka zyrtarizuar largimin e tij duke e falenderuar për profesionalizëm dhe përkushtim sa ka qenë pjesë e klubit.
Mbrojtësi 33 vjeçar ka bërë mbi 200 paraqitje për ekipin napolitan që prej vitit 2013, kur erdhi nga Real Madridi. Mirëpo, një lëndim i tij në sezonin e kaluar dhe blerja e Kostas Manolasit nga Roma për 32 milionë euro, bën që ai të mos kthehet më në ekip të parë, që shtyu atë të largohet nga ekipi.
Transfermarkt ka bërë të ditur se Albiol ka nënshkruar kontratë 3 vjeçare me Villarrealin dhe nëndetësja e verdhë spanjolle ka paguar 5 milionë euro për transferin e tij.
