1/8 E KUPËS SË KOSOVËS
Foto: KFDukagjini/fb
Milicaj e Karabegu i sigurojnë çerekfinalen Dukagjinit
7 December, 2019 @16:07
Forma jo e mirë e Dukagjinit në Superligë, nuk i ka bërë përshtypje sot lojtarëve të ekipit.
Ata kanë treguar lojë të mirë në përballje ndaj Vitisë si mysafirë dhe me fitore 1-2 kanë arritur të shkruajnë emrin në tetëshen më të mirë të Kupës së Kosovës.
Në stadiumin me bar sintetik në Sadovinë të Jerlive, Dukagjini me golat e shënuara nga Mark Milicaj dhe Fuad Karabegu ka shënuar fitore 1-2 për të çuar ekipin tutje.
Kështu, bashkë me Feronikelin dhe Drenicën, edhe Dukagjini nuk ka lënë befasi sa i përket dueleve të ekipeve të Superligës me ato të ligave të mëposhtme në Kupë, për të siguruar çerekfinalen.
