SULMUESI I RI
Miris Hoti, talenti që po provohet jashtë Kosovës
22 July, 2019 @14:44
Futbollisti 19 vjeçar Miris Hoti, këto ditë do të shkojë në prova në disa ekipe të ndryshme evropiane, për të cilat emrat nuk i ka bërë të ditur, ndërsa do të provohet në ekipe holandeze, gjermane dhe turke.
Futbollisti që luan në pjesën ofanzive të fushës ka qenë golashënues më i mirë i ligës rajonale të Prizrenit në moshën 15 vjeçare dhe menjëherë u morr nga Kukësi.
Mirëpo, një lëndim i rëndë në ligament bëri atë që të pushojë për gati dy vjet, derisa u shërua plotësisht. Në ndërkohë ai luajti për Drinin e Bardhë në Ligë të Kosovës, prej ku kaloi te Veleçiku i Kategorisë së Parë të Shqipërisë.
