Na duhet të realizojmë më shumë

Trajneri i Prishtinës, Armend Dallku, që ka këndellur ekipin bardhekaltër në rrugëtim për titullin kampion, pas fitores së sontme në derbin lokal ndaj Flamurtarit ka bërë të ditur se ekipi do të duhet të shënojë më shumë, pasi që rastet po krijohen.

RAPORTI dhe GOLAT E NDESHJES

“S’kisha thënë që sot kemi pasur paraqitjen më të mirë, ato ishin me Gjilanin e Dritën, por është e vërtet që humbëm shumë raste, krijuam shumë, por realizimi nuk është i kënaqshëm ashtu siç ne po dëshirojmë, sepse patëm mundësi të shënonim edhe më shumë, kurse neve stafit teknik të na lejonte të bënim disa zëvendësime që t’i jepnim minutazhë futbollistëve që kanë më pak paraqitje. Prapë kësaj, ne morëm guximin dhe aktivizuam një lojtar të ri siç është Zyba të cilit i dëshirojmë shëndet e fat, sepse Qëndrimi është një kohë të gjatë me neve, por që ka pasur probleme me lëndime dhe ja që sot i erdhi koha dhe i dëshirojmë të gjitha të mirat,” ka thënë Dallku, shkruan faqja zyrtare e klubit.

TABELA AKTUALE E SUPERLIGËS

Përndryshe, me këtë fitore Prishtina është vetëm tre pikë larg kreut të tabelës, që befasisht mbahet nga Ballkani.